slederالناظوربويفار

شكون هو محمد أبرشان وابنه الفار من العدالة المغربية عماد أبرشان؟

شكون هو محمد أبرشان وابنه الفار من العدالة المغربية عماد أبرشان؟

شكون هو محمد أبرشان وابنه الفار من العدالة المغربية عماد أبرشان؟هو إمبراطور الريف أو ملك الريف كما وصفته « جون أفريك » قبل سنوات، السيد كيملك البحر وأي قارب يبحر فوقه، كيملك الغابة وكيقطع فيها كيف بغا، كيملك الرمال، وعندو عرام ديال القضايا مع المياه والغابات في المحاكم.

أبرشان هو ملخص فضيحة مغربية تلج للبرلمان، السيد يحاكم حاليا أمام محكمة جرائم الاموال ففاس، وباش مايقولش الامين العام ديال حزب الاتحاديين أنه مافخباروش هادشي، لا راه فخبارو حقاش هو لي دافع عليه باش خرج بكفالة قدرها ستين مليون سنتيم، رغم أن الاوامر لي كانت فالبداية هي الاعتقال. يعني السي ادريس لشكر هو المحامي ديالو

أبرشان عندو عرام ديال الدعاوي قضائية منها ديال الدولة، ومنها ديال ناس كيتهموه أنه خدا ليهوم الاراضي، بالاضافة إلى استغلاله لأراضي ديال الناس وكيردها مقالع ديال الرمال.ابرشان هو أيضا الاب ديال عماد أبرشان الفار من العدالة المغربية منذ سنوات، وهاد عماد أبرشان كان باغي يدخل للانتخابات لكن الداخلية ماكانتش باغياه وصيفطوليه ميساجات مابغاش يفهم ناض السيد بغا يدخل صحة على الداخلية، وهو يتحرك واحد الملف عندو قديم فيه ارتباطات ديال المخدرات، ناض السيد هرب لمليلية.أكثر من هادشي محمد أبرشان عندو واحد المجموعة سكنية دارها فإعزانن هاد المجموعة نايضة عليها روينة، والملك محمد السادس فاش كان جا يدشن الميناء المتوسطي شافها وماعجباتوش وقاليهوم هادشي خاصو يتحيد، ولكن بقدرة قادر ماتحيدات تا حاجة ومازال يرجع الملك وغايلقاها تماك.

اظهر المزيد

مقالات ذات صلة

شاهد أيضاً

إغلاق
إغلاق