slederالناظوربويفار

الشوهة والسيبة حدا عامل الناظور . برلماني وامبراطور الرمال كيهدد مسؤولة بتوقيف الدراسة فجماعة حقاش العسكر كيلعبو الكرة فالمدرسة – فيديو

البرلماني محمد ابرشان لي شوه تاريخ الاتحاد الاشتراكي بسباب ماضيه، مابقاش فدولة القانون ورجع باغي يدير شرع يديه، وكيتطاول على المؤسسة العسكرية بلا ما يلقى شي واحد يوقف ليه.

هاد البرلماني قال فاجتماع فعمالة الناظور، انه باغي يعرف واش المدرسة دالعسكر ولا دلقراية، وهدد مديرة التعليم يلا ماصيفطاتش لجنة قبل يوم الجمعة غايوقف الدراسة.

هاد البرلماني لي مكيفرقش بين العسكر والقوات المساعدة، خاصو يعرف انه ماكاين حتى ثكنة ديال العسكر فجماعة بويافر لي كيرأسها، وأن هادوك لي كيلعبو الكرة تماك تابعين للقوات المساعدة، بالاضافة لهادشي هاد الاهانة لي وقعات من مسؤول خاصو يحتارم راسو، وقعات أمام عامل الناظور لي مادافع لا على المؤسسة العسكرية لا على مديرة التعليم.

اظهر المزيد

مقالات ذات صلة

إغلاق